நீங்கள் தேடியது "ராணுவ மந்திரி"

வாஷிங்டன்:

உள்நாட்டு போர் நடந்து வரும் சிரியாவில் ஐ.எஸ். பயங்கரவாதிகளுக்கு எதிராக அமெரிக்க படைகள் அங்கு தாக்குதல் நடத்தி வந்தன.

இந்த நிலையில், அங்கு ஐ.எஸ். பயங்கரவாதிகள் வீழ்த்தப்பட்டு விட்டதாகவும், எனவே அமெரிக்க படைகளை திரும்பப்பெறுவதாகவும் ஜனாதிபதி டிரம்ப் சமீபத்தில் அறிவித்தார்.

இதனால் அதிருப்தி அடைந்த அமெரிக்க ராணுவ மந்திரி ஜேம்ஸ் மேட்டிஸ், தான் பதவி விலகுவதாக கூறி, டிரம்பிடம் ராஜினாமா கடிதத்தை வழங்கினார்.



இந்த நிலையில், துணை ராணுவ மந்திரி பேட்ரிக் சனாகானை பொறுப்பு ராணுவ மந்திரியாக நியமித்து, அவர் ஜனவரி 1-ந் தேதி முதல் பணியை தொடங்குவார் என டிரம்ப் நேற்று அறிவித்தார்.

இது பற்றி டிரம்ப் தனது டுவிட்டரில் “மிக திறமை வாய்ந்த துணை ராணுவ மந்திரியை, ராணுவ மந்திரி (பொறுப்பு) ஆக அறிவிப்பதில் மகிழ்ச்சி அடைகிறேன். அவர் சிறப்பாக செயல்படுவார் என நம்புகிறேன்” என குறிப்பிட்டுள்ளார்.#DonaldTrump #PatrickShanahan

வாஷிங்டன்:

அமெரிக்காவில் அதிபர் டிரம்ப் பதவியேற்ற பிறகு அதிரடி நடவடிக்கைகளை மேற்கொண்டார். வெள்ளை மாளிகையில் முக்கிய பதவி வகித்து வந்த அதிகாரிகள் பணிநீக்கம் செய்யப்பட்டனர். டிரம்புடன் ஏற்பட்ட கருத்து வேறுபாடுகள் காரணமாக பல அதிகாரிகள் ராஜினாமா செய்தனர்.

இந்நிலையில், ராணுவ மந்திரி ஜிம் மேட்டிஸ் (வயது 68) தனது பதவியை ராஜினாமா செய்துள்ளார். அவர் அதிபர் டிரம்புக்கு ராஜினாமா கடிதம் அனுப்பி உள்ளார். அதில், பதவி விலக இதுவே சரியான தருணம் என்றும், அதிபர் டிரம்ப் தகுதியான ஒரு தலைவரை ராணுவ மந்திரியாக நியமிப்பதற்கு ஏதுவாக பதவி விலகியிருப்பதாகவும் கூறியிருக்கிறார்.


சிரியாவில் இருந்து அமெரிக்க படைகள் வாபஸ் பெறப்படுவதாக டிரம்ப் அறிவித்த மறுநாளே, ராணுவ மந்திரி பதவியில் இருந்து ஜிம் மேட்டிஸ் பதவி விலகியிருக்கிறார். எனவே, டிரம்புடன் ஏற்பட்ட கொள்கை முரண்பாடுகள் காரணமாக அவர் பதவி விலகியிருக்கலாம் என கூறப்படுகிறது.

ஜிம் மேட்டிஸ் ராஜினாமா கடிதம் அனுப்பியதையடுத்து, பிப்ரவரி மாதம் அவர் ஓய்வு பெற உள்ளதாக அதிபர் டிரம்ப் அறிவிப்பு வெளியிட்டுள்ளார். இது தொடர்பாக அவர் வெளியிட்டுள்ள டுவிட்டர் பதிவில், கடந்த இரண்டு ஆண்டுகளாக பாதுகாப்புத் துறையில் ஜிம் சிறப்பாக பணியாற்றியதாகவும், அவரது பதவிக்காலத்தில் மிகப்பெரிய முன்னேற்றம் ஏற்பட்டதாகவும் பாராட்டியுள்ளார். #USDefenceSecretary #JimMattisResigns

புதுடெல்லி:

பிரான்சிடமிருந்து 36 ரபேல் போர் விமானங்களை வாங்குவதற்கு மோடி அரசு செய்துகொண்ட ஒப்பந்தத்தில் ஊழல் நடந்துள்ளதாக காங்கிரஸ் குற்றம் சாட்டி வருகிறது. இதுபற்றி முன்னாள் ராணுவ மந்திரி ஏ.கே.அந்தோணி டெல்லியில் நிருபர்களிடம் கூறியதாவது:-



ஐக்கிய முற்போக்கு கூட்டணி ஆட்சி காலத்தில் 2013-ம் ஆண்டு 126 ரபேல் போர் விமானங்களை வாங்குவதற்கு செய்து கொள்ளப்பட்ட ஒப்பந்தத்தில் எனது தலையீடு இருந்ததாக நிர்மலா சீதாராமன் கூறியுள்ளது தவறான தகவல். முந்தைய அரசு வாங்குவதற்கு ஒப்புக்கொண்ட விலையை விட ரபேல் போர் விமானத்தை குறைந்த விலைக்கு வாங்கிட ஒப்பந்தம் செய்து கொண்டுள்ளதாக ராணுவ மந்திரி கூறுகிறார். அப்படியென்றால் நீங்கள் ஏன் 126 ரபேல் விமானங்களை வாங்காமல் 36 ஐ மட்டும் வாங்குவதற்கு ஒப்பந்தம் செய்தீர்கள்? எனவே, நாங்கள் ஒரு விமானத்தை வாங்கிட ஒப்பந்த செய்துகொண்ட தொகையையும், நீங்கள் வாங்குவதற்கு செய்து கொண்டுள்ள விலை பற்றியும் மக்களுக்கு தெளிவுபடுத்தவேண்டும்.

மேலும் இப்பிரச்சினை பற்றி நாடாளுமன்ற கூட்டுக்குழு விசாரணை நடத்துவதற்கு உத்தரவிட மத்திய அரசு தயங்குவது ஏன்?... ராணுவ மந்திரி இந்த விவகாரத்தில் உண்மையான தகவல்களை மறைக்கிறார்.

இவ்வாறு அவர் கூறினார்.  #AKAntony #NirmalaSitharaman #RafaleDeal 

புதுடெல்லி:

சிக்கிம் எல்லைக்கு அருகே சர்ச்சைக்குரிய பகுதியாக விளங்கும் டோக்லாமில் சீன படைகள் மேற்கொண்ட சாலைப்பணிகளை கடந்த ஆண்டு இந்திய வீரர்கள் தடுத்து நிறுத்தினர். இதனால் இருதரப்புக்கு இடையே மோதல் ஏற்பட்டதால், இரு நாடுகளும் அங்கு கூடுதல் படைகளை குவித்தன. இதனால் அங்கு போர்ப்பதற்றம் ஏற்பட்டது.

பின்னர் இரு நாடுகளும் மேற்கொண்ட பேச்சுவார்த்தைக்குப்பின், சுமார் 70 நாட்கள் நீடித்த இந்த மோதல் போக்கு முடிவுக்கு வந்தது. இரு நாடுகளும் படைகளை அங்கிருந்து விலக்கிக்கொண்டன. எனினும் சீன எல்லையில் வழக்கத்தை விட கூடுதல் படைகளை இந்தியா தொடர்ந்து குவித்து கண்காணித்து வருகிறது.



டோக்லாம் பிரச்சினையை தொடர்ந்து இரு நாடுகளும் பலமுறை பேச்சுவார்த்தை நடத்தி இருக்கின்றன. எனினும் சீன எல்லையில் இருந்து படைகளை குறைக்கும் எண்ணம் இல்லை என ராணுவ மந்திரி நிர்மலா சீதாராமன் கூறியுள்ளார். இது தொடர்பாக பி.டி.ஐ. செய்தி நிறுவனத்துக்கு அவர் அளித்த பேட்டியில் கூறியதாவது:-

பிரதமர் மோடியும், சீன அதிபர் ஜின்பிங்கும் கடந்த ஏப்ரல் மாதம் வூகன் நகரில் நடத்திய பேச்சுவார்த்தை மூலம் இருநாட்டு உறவில் புதிய அத்தியாயம் தொடங்கி இருக்கிறது. இருநாடுகளும் தங்கள் எல்லையோர நிர்வாகம் குறித்தும், இருநாட்டு ராணுவ ஒத்துழைப்பு குறித்தும் விரிவான முடிவு எடுத்துள்ளன. இந்த அமைதி நடவடிக்கைகள் பயன்தரும் என நம்புகிறேன்.

அதேநேரம் வூகன் பேச்சுவார்த்தை உத்வேகத்தை அளித்தாலும், ஒரு ராணுவ மந்திரியாக, நமது படைகளை உஷாராக வைத்திருக்க வேண்டும் என்ற உணர்வு எனக்கு உண்டு. நிச்சயமாக, சீன எல்லையில் இருந்து படைகளை குறைக்கும் எண்ணம் இல்லை.

இந்தியா-சீனா இடையேயான உண்மையான எல்லை கட்டுப்பாட்டு கோட்டை பொறுத்தவரை, இரு நாடுகளும் எல்லையை நிர்ணயிக்காத பகுதிகள் ஏராளம் அங்கே இருக்கின்றன. இதனால் எல்லை விஷயத்தில் நாம் ஒரு கருத்து கொண்டிருந்தால், அவர்கள் மற்றொரு கருத்தை வைத்திருப்பார்கள். இதனால் அவ்வப்போது எல்லை பிரச்சினை உருவாகிறது.

இந்தியாவின் கவனத்தை மேற்கு எல்லையில் இருந்து வடக்கு எல்லைக்கு திருப்ப வேண்டிய காலம் வந்திருப்பதாக ராணுவ தளபதி கூறியிருக்கிறார். ஆனால் ஒரு எல்லையை மட்டும் பிரித்து கவனம் செலுத்த என்னால் முடியாது. எனது இரு எல்லைகள் குறித்தும் நான் எச்சரிக்கையாக இருக்க வேண்டும். அதைப்போல நமது கடல் எல்லை குறித்தும் எச்சரிக்கையாக இருக்கிறேன். இந்த எல்லை குறித்து அதிகம் பேசுவது இல்லை.

இவ்வாறு நிர்மலா சீதாராமன் கூறினார்.

ஆயுதப்படைகள் சிறப்பு அதிகார சட்டம் தொடர்பாக ராணுவ அதிகாரிகளில் ஒரு பிரிவினர் சுப்ரீம் கோர்ட்டை அணுகி தங்கள் கருத்துகளை தெரிவித்து இருப்பதால், அவர்கள் மீது தனக்கு எந்த காழ்ப்புணர்ச்சியும் இல்லை எனவும் நிர்மலா சீதாராமன் தெரிவித்தார்.  #NirmalaSitharaman #IndiaChinaBorder

பெரோஸ்பூர்:

பஞ்சாப்பின் பெரோஸ்பூர் மாவட்டத்தில் பாகிஸ்தான் எல்லையையொட்டி உசைனிவாலா கிராமம் உள்ளது. சட்லஜ் நதிக்கு அந்த கரையில் அமைந்திருக்கும் இந்த பகுதியை, நாட்டின் பிற பகுதிகளுடன் இணைக்கும் வகையில் நதியின் குறுக்கே பாலம் ஒன்று கட்டப்பட்டு இருந்தது.

கடந்த 1971-ம் ஆண்டு இந்தியா-பாகிஸ்தான் இடையே போர் நடந்தபோது, எதிரி நாட்டுப்படைகள் முன்னேறாமல் இருப்பதற்காக இந்த பாலம் தகர்க்கப்பட்டது. பின்னர் போர் முடிவடைந்ததும் அங்கு 280 அடி தூரத்துக்கு தற்காலிக பாலம் ஒன்று அமைக்கப்பட்டது.

இந்த தற்காலிக பாலத்தை மாற்றிவிட்டு 82.40 மீட்டர் தொலைவுக்கு நிரந்தர பாலம் அமைக்கும் பணிகளை எல்லையோர சாலை அமைப்பிடம் கடந்த 2015-ம் ஆண்டு ஒப்படைக்கப்பட்டது. அதன்படி இந்த பாலப்பணிகள் தொடங்கி முடிவடைந்தது.

பாதுகாப்பு முக்கியத்துவம் வாய்ந்த இந்த புதிய பாலத்தை ராணுவ மந்திரி நிர்மலா சீதாராமன் நேற்று திறந்து வைத்தார். அப்போது அவர் கூறுகையில், ‘சுதந்திர போராட்டத்தில் உயிர்த்தியாகம் செய்த பகத்சிங், சுக்தேவ், ராஜ்குரு ஆகியோருடன் தொடர்புடைய பூமியாகும், உசைனிவாலா. இந்த புனித பூமியில் பணியாற்றும் அரிய வாய்ப்பு பெற்றிருப்பதை, இங்கு பணியமர்த்தப்பட்டு உள்ள ராணுவ வீரர்கள் மனதில் கொள்ள வேண்டும்’ என்று தெரிவித்தார்.  #NirmalaSitharaman #Hussainiwala  #tamilnews 

பெங்களூரு:

ராணுவ மந்திரி நிர்மலா சீதாராமன், கர்நாடக முதல்-மந்திரி குமாரசாமியுடன் பேச்சுவார்த்தை நடத்தினார். பின்னர், பெங்களூருவில் சாலை விரிவாக்கம் உள்ளிட்ட 10 விதமான வளர்ச்சி பணிகளுக்கு ராணுவத்துக்கு சொந்தமான நிலத்தை கர்நாடக அரசுக்கு வழங்க ஒப்புதல் அளித்தார்.

அதைத்தொடர்ந்து, அவர் நிருபர்களுக்கு பேட்டி அளித்தார். அப்போது, “பாகிஸ்தானில் தேர்தல் முடிவுகள் வெளியான பிறகு, எல்லையில் ஊடுருவல் முயற்சிகள் அதிகரித்துள்ளதே?” என்று அவரிடம் கேட்கப்பட்டது. அதற்கு நிர்மலா சீதாராமன் கூறியதாவது:-

ஊடுருவலை தடுத்து நிறுத்தி, எல்லையை பாதுகாக்கவே நான் ராணுவ மந்திரியாக இருக்கிறேன். பாகிஸ்தானில் என்ன நடந்தாலும், எங்கள் நிலைப்பாடு மாறாது. எங்கள் பணியை எப்போதும்போல் செய்வோம். ஒவ்வொரு ஊடுருவல் முயற்சியும் முறியடிக்கப்படும்.



இவ்வாறு அவர் கூறினார்.

நிர்மலா சீதாராமன் மேலும் கூறியதாவது:-

டோக்லாம் பிரச்சினையில் சீனாவிடம் மத்திய வெளியுறவு மந்திரி சுஷ்மா சுவராஜ் பணிந்து விட்டதாக ராகுல் காந்தி கூறி இருக்கிறார். இதுபற்றி நாடாளுமன்றத்தில் சுஷ்மா சுவராஜ் விரிவாக பதில் அளித்து இருக்கிறார். அதை மீண்டும் சொல்ல வேண்டியது இல்லை. அவரது கருத்தில் நான் உடன்படுகிறேன்.

2019-ம் ஆண்டு நடைபெறும் விமான கண்காட்சியை எங்கு நடத்துவது என்பது குறித்து ராணுவத்துறை இன்னும் இறுதி முடிவு எடுக்கவில்லை. அதுகுறித்து விரைவில் முடிவு எடுத்து அறிவிக்கப்படும்.

இவ்வாறு நிர்மலா சீதாராமன் கூறினார்.

அவரிடம் தமிழக துணை முதல்-அமைச்சர் ஓ.பன்னீர்செல்வத்தின் சகோதரரை மதுரையில் இருந்து சென்னைக்கு ராணுவத்திற்கு சொந்தமான ஹெலிகாப்டர் ஆம்புலன்சில் அழைத்துச் சென்ற விவகாரம் குறித்து நிருபர்கள் கேள்வி எழுப்பினர்.

முதலில் நிருபர்கள் கேட்ட கேள்வி தனக்கு புரியாததால், தமிழில் கேட்கும்படி மத்திய மந்திரி நிர்மலா சீதாராமன் கூறினார். அதன்படி, தமிழில் கேள்வி கேட்கப்பட்டது.

ஆனால் ஓ.பன்னீர்செல்வத்தின் சகோதரரை ராணுவ ஹெலிகாப்டர் ஆம்புலன்சில் அழைத்துச் சென்றது தொடர்பான கேள்விக்கு பதில் அளிக்காமல் புன்னகைத்துவிட்டு, ‘நன்றி’ எனக் கூறிவிட்டு புறப்பட்டு சென்றுவிட்டார். #NirmalaSitharaman

புதுடெல்லி:

ராணுவ அமைச்சகத்தின் 4 ஆண்டுகால சாதனைகள் பற்றி துறைக்கான மந்திரி நிர்மலா சீதாராமன், டெல்லியில் நேற்று நிருபர்களுக்கு பேட்டி அளித்தார். அப்போது அவர் கூறியதாவது:-

அண்டை நாட்டுடன் (பாகிஸ்தானுடன்) 2003-ம் ஆண்டு ஏற்படுத்திய போர் நிறுத்த உடன்பாட்டை இந்தியா மதித்து நடக்கிறது. அதே நேரத்தில், அத்துமீறி தாக்குதல் நடத்தப்படுகிறபோது, அதற்கு பதிலடி கொடுக்கிற உரிமை நமது ராணுவத்துக்கு உண்டு.

பயங்கரவாதமும், பேச்சுவார்த்தையும் ஒரே நேரத்தில் நடைபெற முடியாது.

ரம்ஜானையொட்டி பிரதமர் மோடி அறிவித்த போர் நிறுத்தம் வெற்றியா என்று கேட்கிறீர்கள். அது வெற்றியா, இல்லையா என்று பார்ப்பது ராணுவ அமைச்சகத்தின் வேலை அல்ல.

எங்கள் வேலை, நமது எல்லைகளை பாதுகாப்பதுதான். எங்களைத் தூண்டினால், நாங்கள் (பதிலடி தராமல்) நின்றுவிட மாட்டோம். அத்துமீறிய தாக்குதல் எதுவும், தகுந்த பதிலடி தராமல் விடுபட்டு விடக்கூடாது என்பதில் நாம் உஷாராக இருக்க வேண்டும். இந்தியாவை பாதுகாப்பாக வைத்திருப்பது எங்கள் கடமை.

தற்போது போர் நிறுத்தம் ரம்ஜான் வரைதான் அறிவிக்கப்பட்டு உள்ளது.

நாங்கள் ஆட்சி அதிகாரத்துக்கு வந்தபோது, வெடிமருந்துகள் தட்டுப்பாடு நிலவியது. எங்களை குற்றம் சாட்டுகிற நபர்கள், இந்த தட்டுப்பாடு எங்கே இருந்து வந்தது என்பதை சொல்ல வேண்டும்.  இப்போது நான் சொல்கிறேன். தற்போது வெடிமருந்து தட்டுப்பாடு இல்லை.

பிரதமர் மோடி, வூகனுக்கு சென்று சீன அதிபர் ஜின்பிங்கை சந்தித்து பேசி வந்து இருக்கிறாரே, டோக்லாம் முற்றுகைக்கு பிந்தைய இந்திய சீன உறவு நிலவரம் எப்படி உள்ளது? என்று கேட்கிறீர்கள். அதற்கு பதில், இரு நாடுகளின் உறவு, சரியான பாதையில் சென்று கொண்டு இருக்கிறது என்பதுதான்.

காங்கிரஸ் கட்சி குற்றம் சாட்டியபடி ரபேல் போர் விமான பேரத்தில் ஊழல் நடைபெறவில்லை. இது தொடர்பான முடிவு எப்படி எடுக்கப்பட்டது என்பதை விளக்குவதற்காக நாங்கள் நேரம் செலவிட்டோம்.

அது இரு அரசாங்கங்களுக்கு இடையேயான ஒப்பந்தம் ஆகும். இதில் நாங்கள் தெளிவாக இருக்கிறோம்.

எஸ்-400 ஏவுகணை பேரம் தொடர்பாக ரஷியாவுடன் நடத்தி வருகிற பேச்சுவார்த்தை இறுதி கட்டத்தில் உள்ளது.

அமெரிக்காவுடனான நமது அனைத்து பேச்சிலும், இந்தியாவுக்கும், ரஷியாவுக்கும் இடையேயான ராணுவ உறவு பல்லாண்டு காலமாக இருந்து வருவதை சுட்டிக்காட்டி வந்து உள்ளோம். இது காலத்தை கடந்து வந்து உள்ள உறவு. இதில் இந்தியா நிறைய சொத்துகள், உதிரிபாகங்கள், சேவைகளை பெற்று உள்ளது.

இவ்வாறு அவர் கூறினார்.  #NirmalaSitharaman